Gen 10 | BJR | STEP | Nooana faiqi námu núqu maaqímminoo márinau. Séemmafa faqa Qámmafa faqa Yáfeetafa faqa máriqau. Nammári áufirafa taikóoqooqari misásaaqari kambíqarausa núqu maaqímminoo máriqau.

Genesis 10

Nooana faiqi námu nínaiqimara nuqu.

1 Nooana faiqi námu núqu maaqímminoo márinau. Séemmafa faqa Qámmafa faqa Yáfeetafa faqa máriqau. Nammári áufirafa taikóoqooqari misásaaqari kambíqarausa núqu maaqímminoo máriqau.

2 Yáfeetana faiqi námu núqu maaqímminoo márinau. Koommafa faqa Makóokafa fáqa Madaifa fáqa Yafanafa fáqa Tubanafa fáqa Meeseekafa fáqa Tirasafa fáqa máriqau. Mi fasiqáusa nínaiqimara nísaifaqausa náriqa nínaakusa núqu máree máriqau. 3 Koommanasáaqari kambíqoo máqannaasa núqu Asakeenasa máqannaasa faqa Rifata máqannaasa faqa Tookaramma máqannaasa faqa máriqau. 4 Yáfatanasáaqari kambíqoo máqannaasa núqu Eerisa máqannaasa faqa Sipainna máqannaasa faqa Sipurusa máqannaasa faqa Roodeesa máqannaasa fáqa máriqau. 5 Misá ooruku námmari áfaiqara márusa faqa káqikaa áfumaki márusa faqa misá nínaakusa máriqau. Misáuqa Yafeetanakiqari kambíqarausa máridaqa náadu náadu máqa máaqaki máridaqa náadu náadu ufa qímariqau.

6 Qammana faiqì námu núqu maaqímminoo márinau. Kusafa faqa Isipafa fáqa Ribiafa fáqa Kannaafa fáqa máriqau. Mi fasiqáusa nínáiqimara nísaifaqausa nárì nínáakusa núqu máree máriqau. 7 Kusana faiqi námukiqari kambíqoosa Seebaa máqannaasa faqa Qafiraa máqannaasa faqa Sabataa máqannaasa faqa Rammaa máqannaasa faqa Sabateeka maqannaasa faqa máriqau. Rammanasáaqari kambíqoosa Seebaa máqannaasa faqa Deedana máqannaasa faqa máriqau.

8 Kusafa akoonaiqí Nimaroodana máqanau. Nimaroodafa fíndifinoo maa maqa maaqánaki indaarúqaa rákira káraambaiqa márinau. 9 Karaambáiqa dadaaqufanóo mifa ámudaanái qímasee uaqée márufa márinau. Miqí márunara faiqí ánaasee maaqí qímasee akaqáusara qímaríqau. Karaambáiqa fannoo aní Nimarooda fará foorá káaqa ámudaanáì qímasee uaqée marí fará foorá máìsáannoo. 10 Nimaroodafa Baabeera máqusa fáqa Eereeka máqusa fáqa Akada máqusa fáqa mi maqusa namúna indaarú rakísimarinau. Mi maqusa namúsa Babiroonia máqa maaqaki máriqau. 11 Miqóo máriufanoo Nimaroodafa Asiria máqa máaqai óonureenoo Ninifee máqusa faqa Reehoobootaira máqusa faqa Karaa máqusa faqa Reeseena máqusa faqa áuqinau. 12 Reeseena máqusa fannoo Nineefee máqusa dínni márifanoo Karaa firaa taunna dínni márifanoo qámbaana máridanoo.

13 Isipana sáaqari aruakúsa Ridiaa máqannaasa faqa Anamma máqannaasa faqa Reehaba máqannaasa faqa Nafatuqa máqannaasa faqa 14 Patarusa máqannaasa faqa Kasaru máqannaasa faa Kareetee máqannaasa faqa máriqau. Firistía máqannaasa Kareetee máqannaasakiqari kambíqarausa máriqau. 15 Kannaana faiqì námu núqu maaqímminoo márinau. Indaarúqaafa Sidoonafa márinau. Miná ánaaqíannaafa Héetafa márinau. Miqandá nárì nínaakusa núqu marasée máriqau. 16 Kannaafa Yeebusa máqannaasa faqa Amoora máqannaasa fáqa Kirakasa máqannasa fáqa nínaakufa márinau. 17 Hifita máqannaasa fáqa Akaa máqannaasa fáqa Sinita máqannaasa fáqa máriqau. 18 Arafada máqannaasa fáqa Seemara máqannaasa faqa Qamata máqannaasa faqa máriqau. Kannaa máqannaasa moómoo óosana raináfufaqa aiqáma máqa máaqaki daráanimámbi máriqau. 19 Máriufaqá Kannaana sáaqari kambíqarausa misá máru maqána dínni ati Sidoona máqusaki márufanoo súani dínni átaaqeenni Keeraa máqusa Kasaa máqusa aaqá máruna raqúru áminoo márinau. Miqóoqari súani óosana qáannai Soodoomma máqusa faqa Koomoora máqusa faa Adama máqusa faqa Seeboima máqusa Rasaa máqusa aaqá márunnai dínni ati márinau.

20 Dóo Qammana sáaqari kambíqarausa náadu náadú máqusakiaqa raináfufaqa náadu náadu úfa qímariqau.

21 Séemmafa Yáfeetana áfasaafa Heeburu máqannaasa nínaakufa márinau. 22 Séemana faiqi námu núqu maaqímminoo márinau. Eerammafa faqa Asurafa fáqa Arafakadafa fáqa Rudafa fáqa Arammafa fáqa máriqau. Mi fasiqáusa nínaiqimara nárì nínaakusa núqu máree máriqau. 23 Arammana faiqi námu Qusa máqannaasa faqa Huraa máqannaasa faqa Keeteera máqannaasa faqa Meeseekaa máqannaasa faqa máriqau. 24 Arafakadafa Seeraana ákoofa márinau. Seeraafa Eebeereena ákoofa márinau. 25 Eebeerafa akoonaiqí qaaraqánda máqanau. Indaarúqaana áuqu Peereekafa márinau. Miná áuqu óosana rainára fée qinóo márinau. Mifá máru áukuanna maqa máaqa rainánoo márufaqa minára Peereekaneé qinau. Peereekana ákaqa áuqu Yookatanafa márinau. 26 Yookatana faiqi námukíqari maaqímmasee máqannaasa máriqau. Aramooda máqannaasa faqa Seereefaa máqannaasa faqa Asammafee máqannaasa faqa Yeeraa máqannaasa faqa Adooramma máqannaasa faqa Qusaraa máqannaasa faqa Dikaraa máqannaasa faqa Oobara máqannaasa faqa Abimaeera máqannaasa faqa Seebaa máqannaasa faqa Oofira máqannaasa faqa Qafiraa máqannaasa faqa Yoobabaa máqannaasa faqa máriqau. Aiqámusa Yookatana ánáiqimara máriqau.

30 Misá máru máqa máaqafa dínni ati fannoo Meesaa máqa máaqaindari Seefaraa máqa máaqai súani óosana qaannai áaqana máqa máaqa dínni áti fánnoo raqúru áminoo márinau.

31 Séemana faiqi námu miqímmiqa máriqau. Náadu náadu máqa máaqaki máridaqa náadu náadu ufa qímariqau.

32 Aiqáma misauqa Nooanasáaqari kambíqarausa máriqau. Moó máqannaa moó máqannaa náriqa óosana amana káì máriqau. Nammári áufirafa taikáfufaqa aiqáma maa maqánasaaqaraasa Nooana faiqi námukiqari kaí kambíqafi máriqau.